حوزہ نیوز ایجنسی کی رپورٹ کے مطابق، پاکستان بھر میں اہل بیت عصمت و طہارت علیہم السلام کے محبین نے شیعہ مساجد اور حسینیوں میں پرجوش شرکت کے ساتھ حضرت علی علیہ السلام کی ولایت و امامت کی عید کو شاندار تقریبات کا اہتمام کر کے منایا۔
ان تقریبات میں مقررین نے تاریخی واقعہ غدیر کی وضاحت کرتے ہوئے حضرت علی علیہ السلام کی امامت و ولایت کے اعلان کو مقدس اور قابل احترام قرار دیا اور مداحوں نے قصائد اور مولودی پڑھ کر ان محفلوں کے روحانی ماحول میں رونق بخشی۔
لاہور، کراچی، کوئٹہ اور پشاور میں جمہوریہ اسلامی ایران کے سیاسی اور ثقافتی نمائندوں نے بھی عید ولایت کی شب وہاں مقیم ہموطنوں اور شیعیان پاکستان کی میزبانی کی۔
اسلام آباد میں مقیم ایرانیوں نے بدھ کی شب پاکستان میں جمہوریہ اسلامی ایران کے سفیر رضا امیری مقدم، ایرانی اداروں کے سربراہان، امام حسین علیہ السلام تعلیمی مرکز کے منتظمین، سفارت خانے کے عملے اور ان کے خاندانوں کی موجودگی میں سفارت خانے میں ایک خصوصی تقریب منعقد کی۔
پاکستانی شیعوں نے مساجد اور حسینیوں کو سجا کر عید سعید غدیر خم کی جشن کی تقریبات کا اہتمام کیا۔
اسی مناسبت سے پاکستان کے شہروں، قصبوں اور دیہاتوں میں منعقد ہونے والی تقریبات میں خاندان نبوت کے دوستداروں نے جشن و سرور کی محافل اور دعا و نیایش کے ذریعے ایک بار پھر اہل بیت علیہم السلام سے اپنی محبت، عہد اور اخلاص کا اظہار کیا۔
آپ کا تبصرہ